طب و ليه بوحة؟
أه ه ه ... يادى بوحة, أنا برضه بقول ليه بوحة؟! وأحيانا كتير ماببقاش عارف الإجابة!
بس هأقولكم ليه بوحة.
أولا يمكن يكون الفيلم موش عاجب ناس كتير, بس الشخصية نفسها ظريفة! (عملنا إستفتائات فى الموضوع) كمان مناسبة جدا جدا للعبة. خصوصا إنه جزار وليه أسلحة وأدوات. ده غير إن سيناريو الفيلم فى حد ذاته أنسب للعبة منه لفيلم (ده رأى شخصى بس مبنى عن دراسة).
ده غير إن بوحة مافهوش أى شىء مخجل أو منافى للاّداب. ماتنسوش إن الهدف الأساسى والأول من أى لعبة هو الترفيه والمرح, قبل التعليم ونشر الوعى وخلق الثقافة و كل الكلام الكبير ده, اللى هانحاول نعمله برضه, بس من غير ما ننجرف و ننسى الهدف الأساسى والأول من أى لعبة!
أحمد الديب
posted by The Physics Engine at 11:17 ص
7 Comments:
بجد اللعبه دى انا مستنيها و هتكون اول لعبه اشتريها بس خليكوا حنيينين علينا فى سعرها
المهم انا مش جى اشترى خضار بس انا خايف ان الشركه صاحبة فيلم بوحه ترفع عليكم قضيه عشان الاسم فيريت لو تستشيروا محامى و لا حاجه
ما شاء الله ..
ربنا يوفقك يا أحمد ..
خلى نيتك دايما لله .. الترفيه مطلوب .. خاصة و ان اغلب اللعب دلوقتي بتصور المسلمين على انهم ارهابيين ..
يعني لو انت خليت الناس يسيبوا الالعاب دي و يلعبوا "بوحة" .. أكيد دي حاجة رائعة !
ربنا يتقبل !
السلام عليكم
el 7owar da shaklo gamed .. we isa ana hamsek nafsie we mosh hadrabha 3ashan el marady da entag masry mosh american :D :D
estano el crack wel serial lama el le3ba tenzil :D :d
Kiddin !! :P
هترفعوا راس العرب ان سوتوها مش المهم بوحة أو غيره المهم لعبة عربي 100/100
أولا أنا فعلا مبسوط بخروج اللعبة في شكلها ده
الجرافكس كويسة إلى حد كبير
الصوت بس محتاج يتظبط...بلاش مقاطع الفيلم
اللعبة تسير على الطريق الصحيح للعبة عربية ناجحة و خاصة مع وضع اهمية التسويق في اعتبار صناع العبة.
و أخيرا بالرغم من ان السيناريو كويس، بس فعلا انا شايف أنه كام ممكن البحث عن شخصية أكثر إلهاما...
شخصية بطولية (أدهم صبري مثلا)
أنا أصابني جانب من الاحباط شوية لما لقيت كل المجهود ده عشان شخصية اسمها بوحة !!!
أعتقد ان ده ممكن في الاصدارات القادمة من اللعبة حيث يمكن الاعتماد اكتر على جودة اللعبة بدلا من شهرة الشخصية في التسويق
في انتظار النسخة القادمة و بالتوفيق نا شاء الله....
الجرافيك بتاعت اللعبة عالى جدا ويارب تناسب كارت الشاشة 32 ميجا اللى عندى فالبيت
والسيناريو جميل قوى
واللعبة شكلها هتمتعنا جدا
اكتر حاجة عاجبانى اللوجو لHEALTH
بتاعت بوحة اللى انا حاسس اننا ابتكرناها بجد مش من جيمز بره
وعاجبنى ان اللعبة نفسها مسلية وفى نفس الوقت بتحاكى الواقع ومش عنيفة عالأقل زى الألعاب اللى اتعودنا عليها من دم وأسلحة أشكال وألوان . وروس وأمريكان وحتى زنوجGANGSTER .
يعنى ممكن ألعبها وانا إيزى.
انا عاوز اعرف ازاى اجيب المستويات الثانية بيقولى لازم تعدى المرحلة الاولى عادتهه مش رادى يخوش على استاد القاهره والجات ديه مكن حاد يكلمنى ويقولى ازاى اعمل المستويات الثانية khaled_mmdouh_2010@yahoo.com
إرسال تعليق
<< Home